बुलडाणा : महायुती सरकारच्या अडीच वर्षाच्या कार्यकाळात मुख्यमंत्री एकनाथ शिंदे यांच्या कार्यकाळात विकासकामे झालेत त्याबाबत आज आमदार संजय गायकवाड यांनी जनसंपर्क कार्यालयातील पत्रकार परिषदेत माहिती दिली. महाराष्ट्रात मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्या सरकारमध्ये महाराष्ट्रात मोठयाप्रमाणात विकासाची कामे झाली. त्याचप्रमाणे प्रत्येक घटकांसाठी महामंडळाची निर्मिती करून त्यांना सक्षम करण्यासाठी महामंडळाच्या माध्यमातून प्रयत्न केले जाणार आहेत. महायुती सरकारमध्ये सर्वात लोकप्रिय ठरलेल्या लाडकी बहीण योजनेमुळे असंख्य महिला आज त्या योजनेचा लाभ घेत आहे. तसेच महिलांच्या नावार गॅस असल्यास त्या महिलांना तीन गॅस मोफत दिले जात आहे. लाडकी बहीण, लाडका भाऊ, लाडका शेतकरी, लाडका अजोबा आजी अशा विविध योजना सरकारच्या माध्यमातून राबिवल्या गेल्या आहेत. याचा मोठ्या प्रमाणात लाभ राज्यातील जनता घेत आहे. बांधकाम कामगारांसाठी सुद्धा विविध योजना सरकार राबवत आहे. तसेच महायुती सरकारच्या काळात अनेकांना विविध योजनांच्या माध्यामातून घरे मिळाली. बुलढाणा विधानसभा मतदारसंघात मोठ्याप्रमाणात विकासाचे कामे झालीत, काही प्रगतीपथावर आहेत. बुलढाणा शहरात विविध महापुरूषांचे स्मारके उभारण्यात आली. शहरातील विद्युत रोषणाईने शहरला सौंदर्य प्राप्त झाले आहे.अनेक रस्त्याची कामे करण्यात आली. त्याचप्रमाणे शासकीय वैद्यकीय महाविद्यालय, शासकीय कृषी महाविद्यालय सुध्दा सुरू झाले आहे. अशाचप्रकारे बुलढाण्याच्या विकासाला पुढे घेऊन जाण्यासाठी जनतेने महायुतीला साथ द्यावी अशी अशा त्यांनी यावेळी व्यक्त केली. तसेच आ.संजय गायकवाड हे बुलढाणा विधानसभेसाठी 28 ऑक्टोबर रोजी 11 वाजता उमेदवारी अर्ज दाखल करणार आहे. महायुतीचे पदाधिकारी उपस्थित होते.
